Ветерани од Србија, Бугарија и Македонија, пријатели на струмичките одбојкари ветерани го одржаа традиционалниот меѓународен турнир

Денеска во спортската сала „Партизан“ во Струмица се одржа традиционалниот меѓународен турнир во одбојка за ветерани, кој повеќе од една деценија се организира и одржува во чест на патрониот празник на Струмица – Светите Петнаесет Тивериополски свештеномаченици, а учествуваа четири екипи на ветерани од Србија, Бугарија, Македонија и домаќините од Струмица.

По одиграните полуфинални и финални натпревари, првото место го освоија ветераните на Разлог од Бугарија, втори беа ветераните на Краљево од Србија, третото место им припадна на ветераните на Струмица, а четврти беа ветераните на Прилеп.