Љубица Покрајчева од ВМРО-ДПМНЕ е нов советник во Советот на општина Струмица, таа доаѓа на местото на Тања Дедејска

На почетокот на денешната 51-ва седница на Советот на општина Струмица, со верификација на мандатот и давањето и потпишување свечена изјава, Љубица Покрајчева од листата на ВМРО-ДПМНЕ е нов член на Советот на општина Струмица и оваа функција ќе ја извршува до крајот на овој мандат, односно до следните Локални избори кои се најавени за месец октомври. Таа доаѓа на местото на Тања Дедејска од истата партија, која од неодамна е именувана за член на Државната комисија за одлучување во втор степен, избрана од македонското Собрание.

Љубица Покрајчева, родена 1987 година, сопруга и мајка на две деца е магистер по финансии и финансово право со положен правосуден испит. Од 2009 година работела како советник во Собрание на Република Македонија. Од 2015 година работи во УЈП Струмица како самостоен даночен советник.