![almak](https://strumicanet.com/wp-content/uploads/2025/07/1080x206-srnet-optimized.png")
Носителот на листата на кандидати за пратеници на СДСМ и Коалицијата за европска иднина во Изборната единица 4, д-р Венко Филипче денеска имаше свое обраќање на големиот сенароден митинг што се одржа во Скопје.
Филипче истакна дека докторите се срцето на здравствениот систем, а СДСМ предвидува мерки со кои ќе ги задржи докторите дома и ќе ги стимулира оние што заминале да се вратат и својата работа да ја продолжат во Македонија.
„Платите на докторите специјалисти ќе достигнат до 180.000 денари, на општите доктори до 120.000 денари, а на медицинските сестри до 90.000 денари. Ова е визијата на СДСМ за европско здравство, дома во Македонија“, кажа Филипче.
Тој најави победа во Изборната единица 4.
На големиот сенароден митинг свои обраќања имаа и Стефан Левен, претседател на ПЕС, претседателот на СДСМ Димитар Ковачевски, Стево Пендаровски, кандидат за претседател на државата, како и останатите носители на листите на кандидати за пратеници на СДСМ и Коалицијата за европска иднина.
