Утрово во Струмица измерени -8 степени, најстудено во Берово -13 степени

Утрово најстудено било во Берово, каде се регистрирани -13 степени, по што следат со -10 Маврови Анови, Крива Паланка и Битола, -9 Скопје (Петровец), Штип, Демир Капија и Попова Шапка, -8 Тетово, Прилеп и Струмица, -7 Крушево и Виница, -6 Скопје (Зајчев Рид), Охрид и Претор, -5 во Гевгелија и Куманово, -2 во Дојран, информираат од УХРМ.

На Попова Шапка има 50 сантиметри снег, 18 во Маврови Анови, 3 сантиметри во Крушево и 2 во Ѓуриште.

Времето денеска ќе биде сончево со мала локална облачност. Ќе дува слаб до умерен ветер од северен правец. Максималната температура ќе биде во интервал од 3 до 10 степени.