Утре Струмица го слави ослободувањето на градот од пред 80 години – ќе биде одбележан и со стартот на јавен градски превоз

Утре Струмица празнува, го слави Денот на ослободувањето на градот, 11-ти Септември. По тој повод утре во 10:00 часот на Спомен костурницата над Струмица ќе се одржи свеченост на која ќе се говори за историографијата на празникот, ќе биде положено свежо цвеќе, со мал митинг на револуционерна поезија кои ќе ја изведат членови на Рецитаторската секција при Домот за деца и млади „Благој Мучето“ од Струмица.

Во 12:00 часот на плоштадот „Гоце Делчев“ ќе се одржи свеченост каде ќе се промовира воведувањето на првиот јавен градски превоз на територијата на општина Струмица преку новоформираното Јавно сообраќајно претпријатие „Транспорт Струмица“.

Утревечер во 19:30 часот во фоајето на НУЦК „Антон Панов“, традиционално на Денот на ослободувањето на Струмица ќе биде отворена Изложба на дела од 61-та Меѓународна Струмичка ликовна колонија.