Утре во Струмица ќе се одржи Меѓународен Меморијален турнир во чест на кошаркарот Звонимир Кечев – Кечето

Утре (сабота, 26 октомври), во Спортската сала „Парк“ во Струмица во организација на КК „ВЕТЕРАНИ БАСКЕТ“ Струмица за прв пат ќе се одржи Меѓународен Меморијален турнир во кошарка за ветерани, а во чест на прерано починатиот кошаркар Звонимир Кечев – Кечето, некогашен член на струмичките кошаркарски великани КК „Неметали Огражден“ и КК „Македонија ‘91“.

Од клубот на ветераните јавна покана до сите граѓани и љубители на кошарката да дојдат, да ги следат натпреварите и да му оддадеме почит на нашиот струмичанец Кечето.

На турнирот ќе се натпреваруваат ветераните на КК Лесковац – Србија, КК Солун – Грција, КК Варна – Бугарија, кошаркарските клубови на ветерани од Кавадарци, Велес, Битола и домаќините КК ВЕТЕРАНИ БАСКЕТ Струмица.