Уапсен 25-годишен жител на Пиперево – кај него имало околу 1 килограм марихуана и дигитална вага

Вчера во 16:20 часот полициски службеници од СВР Струмица го лишиле од слобода З.П.(25) од село Пиперево, општина Василево. При претрес во дом во кој престојувал, извршен со судска наредба, била пронајдена хартиена вреќа во која имало околу 1 килограм марихуана и 1 дигитална вага, информираат од струмичката полиција.

Лицето било задржано во Полициската станица Струмица, а за настанот бил запознаен јавен обвинител од Основното јавно обвинителство Струмица. По целосно документирање на случајот, против З.П. ќе биде поднесена соодветна пријава