Традиционален Божиќен ручок во Етно ресторанот „Кај Виктор“ во Босилово

Веќе традиција, четврта година по ред во Етно инклузивниот ресторан „Кај Виктор“ во Босилово, во организација на Здружението „Говор на срцето“, а со поддршка на Општина Босилово и Фондацијата „Елеуса“ се одржа заедничко дружење и Божиќен ручок на лица со попреченост од струмичкиот регион под мотото: „Сите сме исти – сите заслужуваме радост“.

Во преубава атмосфера, преку прекрасна дружба, се играше и пееше, се споделуваа желби и позитивна енергија, се славеше Христовото раѓање, се делеа божиќни пакетчиња на децата и на лицата со попреченост.

„Прекрасна дружба, прекрасна забава, инклузивна и оригинална. Сите заедно го славиме Божиќ и раѓањето Христово. Христос се роди – Навистина се роди! Пред Бога сите сме исти, сите заслужуваме радост. Да не ги заборавиме лицата со ограничени можности“ – вели градоначалникот на општина Босилово, Ристо Манчев.