Тешко повреден 18-годишен мотоциклист во Муртино

Вчера попладне околу 14:00 часот во село Муртино, струмичко, се случила сообраќајна незгода помеѓу патничко возило „Опел Астра“ со струмички регистарски ознаки, управувано од 52-годишниот Д.П. од село Куклиш и мотоцикл „Хамачи“ со струмички регистарски ознаки, управуван од 18-годишниот П.Т. од село Борисово, информираат од СВР Струмица.

Во незгодата со тешки телесни повреди се здобил мотоциклистот П.Т. констатирани во болницата во Струмица, додаваат од полицијата. Увид на местото извршила екипа од СВР Струмица.