Струмичките жени кај градоначалникот Костадинов, ќе се формира Совет за женско претприемништво

Кабинетот на градоначалникот Костадин Костадинов денеска беше полн со жени претприемачки, се договараат за формирање Совет за женско претприемништво на општина Струмица.
На средбата разговараа за нивните претприемнички приказни, искуствата и нивниот ентузијазам да ги споделат и поттикнат жените коишто сакаат да започнат свој бизнис.
Градоначалникот Костадинов им ја даде поддршката, бидејќи, како што вели тој, родовата еднаквост во економскиот развој на Струмица е негово изборно ветување и приоритет во неговиот градоначалнички мандат.
Советот ќе има за цел да креира програми и создава можности за финансиска поддршка на жените претприемачи, но и да креира стимулативни програми за започнување на нови бизниси за жените, нивно вмрежување и промоција на пазари.
На состанокот со жените претприемачки присуствуваа и советниците од Советот на општина Струмица Лилјана Коцева од ВМРО-ДПМНЕ, Ице Беличев од СДСМ и Ѓорги Танушев од „Стига е“.