Струмичанката Кумјана Новакова добитник на наградата за човекови права со документарецот „Молк на разумот“

Струмичанката Кумјана Новакова ја освои наградата за човекови права со документарецот „Молк на разумот“, премиерно изведен на 29-от „Сарајево филм фестивал“, кој заврши синоќа во рамките на конкурсот документарен филм „Срцето на Сараево“.

„Молк на разумот“ е сочинет од сведоштва и видеоматеријали од фоензичките архиви за претрпеното насилство и тортурата на жените кои во војната во Босна и Херцеговина поминале низ камповите за силување во Фоча. Ова е втор долгометражен документарец на Новакова, по наградуваниот „Вознемирена земја“ во 2021.

Филмот е во продукција на „Медеа“ Македонија и „Право Људски“, Босна и Херцеговина, во партнерство со БИРН.