Струмичанецот Павле Витанов во недела во финалето на „Никогаш не е доцна“ ќе се бори за победа

Во недела е финалето од балканското ТВ шоу на „Гранд“ продукцијата – „Никогаш не е доцна“, во кое познатиот музичар Павле Витанов од Струмица со своите настапи и интерпретации во изминатите девет месеци успеа да дојде во оваа големо финале.

12 финалисти ветерани ќе пеат за освојување на три награди. Награда од стручното жири, награда од публиката со СМС гласање и награда од Фејсбук корисниците по пат на гласање преку оваа социјална мрежа.

Павле веќе се подготвува за големото финале. Ќе настапи како 6-ти од 12-те величествени. Не ни открива која песна ќе ја пее, но ќе била македонска новосоздадена песна, веќе обнародена која сите ја сакаат и со уживање ја слушаат во секоја прилика.

Павле и се заблагодарува на публиката, посебно оние од Македонија кои гласаа и му дадоа можност да дојде до големото финале кое можете да го следите во живо во недела од 21:00 часот на ТВ Сител и да гласате за реден број 6.

Инаку, во изминатите осум сезони на оваа балканско ТВ шоу, Струмица и Македонија имаа двајца победници, струмичани, Горан Кукиќ во првата сезона во 2016-та година како победник на публиката од регионот по пат на СМС гласови и Ленче Кукиќ во 2019 година со двојна победа, од стручното жири и Фејсбук гласачите.

Во уште едно слично вакво натпреварувачко ТВ шоу на „Гранд“, популарното „Ѕвездите на Гранд“, Струмица и Македонија имаа уште еден победник. Минатата сабота, 21-годишната струмичанка Славица Ангелова стана апсолутен победник за 2023 година, освојувајќи над 88.000 гласови од Србија, Босна и Херцеговина, Црна Гора и Македонија. Се гласаше само преку СМС пораки.

Останува во недела да го следиме и настапот на Павле Витанов и да гласаме за него, да биде победник на „Никогаш не е доцна“ за 2023 година. Публиката може да гласа преку СМС порака и преку социјалната мрежа Фејсбук, а жирито ќе си го каже својот глас на самиот крај.