Спасен велосипедист кој излетал во провалија на Беласица

ТППЕ – Струмица соопшти дека денеска велосипедист спуштајќи се по патека на планината Беласица кај месноста „Ѓаволски Мост“ излетал во провалија, здобивајќи се со повреди. На помош дошле други велосипедисти кои успеале да го извлечат од провалијата. Интервенирале тим на ТППЕ – Струмица со четворица пожарникари-спасители и едно теренско возило и тим на итна помош.

Велосипедистот безбедно е префрлен до подгорското село Борисово со теренското возило на пожарникарите, од каде што е преземен од возило на брза помош и пренесен во Медицинскиот центар во Струмица.