Се проширува патниот правец Муртино – Банско

Од Општина Струмица информираат дека деновиве продолжи реконструкцијата со проширување на патниот правец Муртино – Банско во должина од 1000 метри.

Според градоначалникот Костадин Костадинов, патната инфраструктура е многу значаен елемент во севкупниот развој на општина Струмица, особено меѓу населените места.

„Овој е еден од пофреквентните патни правци, поради земјоделските, економските и туристичките потенцијали во овој крај, но со недоволната ширина на коловозот беше небезбеден за учесниците во сообраќајот и поради тоа беше и меѓу нашите патни инфраструктурни приоритети“, вели градоначалникот Костадинов.