„Вчера се отвори спомен куќа посветена на Благој Јанков Мучето.
Иронијата е болна, затоа што истите тие кои во минатото го омаловажуваа и го ставаа на списокот на „комуњари“ – вчера со свечени говори сакаат да го прикажат како дел од нивната приказна.
Овој херој на народноослободителната борба, децении беше тргнат настрана, изолиран од историјата, оставен без вистинско признание од оние што најгласно зборуваат за патриотизам.
Тие што еден голем период од нивното постоење не доаѓаа на чествувањето за Благој Јанков Мучето, барем да положат свежо цвеќе, замислете токму тие вчера отворија „божем“ реконструирана спомен куќа на Благој Јанков Мучето.
Тоа се истите тие, кои ги истераа борците од своите простории во Скопје, а периодот на народно ослободителна и антифашистичка војна на Македонија, беше избришан од “нивната“ историја.
А денес? Денес потомок на Благој Јанков Мучето се јавува како кандидат за градоначалник под капата на партијата која до вчера го бришеше неговото име од учебници и го нарекуваше „непосакуван“.
До каде оди лицемерието на ВМРО-ДПМНЕ?
Како може идеологија да се менува од ден за ден, од интерес за интерес, од наратив за наратив?
И дали воопшто таа идеологија постои – или сè што постои е празна реторика за дневна употреба?
Историјата не смее да биде монета за поткусурување.
Хероите не смеат да бидат инструментализирани според партиска потреба.
А лицемерието – тоа останува најголемото огледало во кое се гледаат.
Ете толку за спомен куќата.
А треба ли да се коментира, новото фотографирање пред објектот на стариот театар?
Повеќе од очигледно е, овој театар не им е наменат на струмичките актери, туку на политичките актери од ВМРО ДПМНЕ“ – соопштија од ОО на СДСМ Струмица.
