СДСМ Струмица: Градот кој е синоним за мирни улици, станува како улиците во Дивиот Запад

Од Општинската организација на СДСМ во Струмица денеска со соопштение по вчерашната тепачка на плоштатот „Гоце Делчев“, објавена на социјалните мрежи реагирајќи дека МВР не е подготвена да стави ред и мир.

„Политичките игри, прогони и вработувања си го прават своето.

По вчерашната застрашувачка сцена на плоштадот во Струмица, МВР потврди дека не е подготвена да стави ред и мир, туку очигледно повеќе се насочени кон „штампање“ кривични пријави против неистомислениците и пишување казни низ цела Струмица — веќе позната тактика од минатото за „полнење“ буџет.

Градот кој е синоним за мирни улици, станува како улиците во Дивиот Запад.

Прашуваме: дали ВМРО-МВРО ќе се свестат и ќе почнат да работат за сите граѓани или нивните суети ќе ги лечат со пристрасни и монтирани кривични пријави.

Полицијата не смее да биде заложник на партијата и нивните желби. Полицијата е составена од луѓе професионалци кои сакаат да работат по закон, а не по монтирани директиви.

Ставете ред, а не да сеете страв, додека низ градот веќе секој и во секоја доба може да посегне по оружје.

Сакаме безбеден град, не селективна безбедност.

Ве повикуваме со надеж дека има нешто човечко во Вас, да започнете со работа и да придонесете за граѓаните.

Овој град и оваа држава не е на „одбран број на луѓе“, туку овој град и оваа држава е на сите граѓани, без разлика какво е нивното политичко убедување, религија, етникум итн.

Доста беше хаос, доста беше едногодишен сон – започнете со работа веднаш, во име на граѓаните“ – стои во соопштението на ОО на СДСМ Струмица.