Професорот Кирил Барбареев го прими признанието „Св. Кирил и Методиј“ на Општина Струмица

Градоначалникот на општина Струмица, Костадин Костадинов денеска во својот кабинет му ја врачи наградата – Признание и Плакета „Св. Кирил и Методиј“ на професор д-р Кирил Барбареев од Универзитетот „Гоце Делчев“ во Штип, која се доделува на свечената академија во предвечерието на Денот на сесловенските просветители, светите браќа Кирил и Методиј, но поради оправдани причини тогаш професорот Барбареев не присуствуваше на свеченоста.

„Добрите дела не се забораваат, а врачените признанија за нив не познаваат време. Топло добредојде денеска му посакав на почитуваниот професор д-р Кирил Барбареев од Универзитетот „Гоце Делчев“ во Штип. Со посебна чест и задоволство му ја врачив наградата за соработката и неговиот личен придонес во унапредувањето на предучилишното и училишното образование во нашата општина. Денеска имавме срдечна средба на која поразговаравме и за актуелните состојби и предизвици во образованието и воспитувањето на децата“, напиша Костадинов на социјалните мрежи.