![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Традиционалната манифестација што ја организира Општина Василево „Ден на празот“ или позната како „Празијада“ ќе се одржи на 5-ти ноември (недела) од 12:00 часот во дворот на Црквата „Св. Никола“ во селото Градашорци.
Во културно-забавната програма ќе настапи познатата македонска музичка ѕвезда Андријана Јаневска.
„Задоволство е заедно со Андријана Јаневска да Ве поканиме на манифестацијата „Ден на Празот” на ден 05.11.2023 (недела) 12:00 часот во Градашорции, заедно да уживаме во изведба на наши македонски песни и секако во специјалитетите од праз подготвени од рацете на нашите вредни домаќинки. Се гледаме во недела“, напиша на својот Фејсбук профил градоначалникот Славе Андонов.
Манифестацијата има за цел поддршка на домашниот бизнис и развој на руралниот туризам. Составен дел од одбележувањето на денот на празот е и дегустација на специјалитети подготвени од овој зеленчук од домаќинките на Градошорци и регионот.
