![almak](https://strumicanet.com/wp-content/uploads/2024/11/srnet-banner-noe-2-optimized.png")
Градоначалникот Костадин Костадинов го најави почетокот на асфалтирањето на улицата покрај реконструираниот порој на „Крушевска Република“.
Станува збор за асфалтирање на левата страна од улицата, како дел од целосната реконструкција на двете коловозни ленти покрај покриениот дел од каналот, на потегот од кружниот тек кај ЕВН до „Момин бунар“, во должина од 583 метри.
Како што информираше градоначалникот Костадинов, во првата фаза од асфалтирањето се поставува првиот слој асфалт со дебелина од 7 сантиметри, по што ќе следува поставување и на втор слој од 4 сантиметри. Реконструкцијата ги опфаќа и тротоарните површини, како и изведба на ново атмосферско одводнување.
„Се радувам на отпочнатите активности, затоа што улицата „Крушевска Република“ е една од најважните сообраќани артерии во Струмица, која го поврзува централното градско подрачје со периферијата во овој дел на градот, а води и до два значајни верски објекти“ – кажа Костадинов.
