Пожарикарите на Струмица од 1 септември ќе добијат зголемување на платата за 100%

Градоначалникот на општина Струмица, Костадин Костадинов и командирот на Противпожарната единица на Струмица, Александар Гудев потпишале Меморандум за соработка и спроведување на систем за вреднување на работна успешност, со кој од 1 септември ќе се зголеми платата на пожарникарите на 80.000 денари или двојно повеќе од тоа што го зимаат сега.

„Ова значи плата од 80.000 денари плус додатоци која ќе важи од септември, а исплатена во октомври. Среќен сум, а знам дека и нашите пожарникари се среќни затоа што ќе имаат највисоки плати меѓу своите колеги, со своите семејства ќе имаат достоинствен живот, ќе бидат уште повеќе мотивирани и попрофесионални во професијата со висок ризик по нивните животи“, стои во објавата на Фејсбук страницата на градоначалникот на општина Струмица, Костадин Костадинов.