Повредени двајца малолетници на мотоцикл, во сообраќајка со „Фолксваген туран“

Вчера попладнето околу 17:00 часот во село Моноспитово, општина Босилово, се случила сообраќајна незгода помеѓу патничко возило „Фолксваген туран“ со струмички регистарски ознаки, управувано од 31-годишната Е.Г.В. од Моноспитово и мотоцикл со струмички регистарски ознаки, управуван од 14-годишен малолетник од Муртино, струмичко. Во незгодата со тешки телесни повреди се здобил малолетникот, а со телесни повреди се здобила неговата 16-годишна сопатничка од Муртино, констатирани во струмичката болница. Извршен бил увид од увидна екипа од СВР Струмица.