Убедлива победа на одбојкарите на Струмица над екипата на „Борец“ од Велес со 3:0 (25-13, 25-18, 25-18) и со тоа си обезбдија место во финалето за КУП титулата.
На Ф4 турнирот во Радовиш, актуелниот шампион под водство на тренерот Ване Ристоманов, кој го замени Кире Ричлиев по оставката од клубот, покажа врвна форма и не му дозволи на противникот да се доближи до изненадување.
Противник на ОК „Струмица 47&72“ во сабота ќе им бидат одбојкарите на „Штип УГД“, со кои ќе имаат можност за реванш за минатогодишниот пораз, кога штипјани славеа против Струмица на свој терен.
Машкото финале во Купот на ОФМ 2025 ќе се игра во сабота (5 април) од 19:00 часот, во салата „25 Мај“ во Радовиш. Финалето ќе има и директен телевизиски пренос на МТВ.
