Новогодишна честитка од претседателот на ОО на СДСМ Струмица, Борче Цветков

Почитувани сограѓани,

Разделбата со старата и дочекот на Новата година е магичен чин исполнет со многу возбуда, радост и надеж за исполнување на бројни желби. Тоа е така затоа што станува збор за еден миг кој се случува само еднаш во годината, а трае колку што трае едно трепнување на очите. А потоа, ширум се отвора портата на една цела година. Каква ќе биде таа? Што ќе ни донесе? Колку ќе имаме среќа во неа? Тоа се само дел од прашањата кои секој од нас си ги поставува, а длабоко во себе знаеме дека многу нешта зависат и од самите нас. Затоа, треба да бидеме мудри, да бидеме вредни и да сториме се што е во наша моќ, за да можат соништата да ни станат јаве, а не да чекаме тоа јаве да ни падне од небо како дар.

Во 2024 година ќе имаме еден ден повеќе на календарот. Нека ви биде годината во знакот на тоа „повеќе“, да имате повеќе здравје, повеќе радост, повеќе среќа, повеќе успеси, повеќе благосостојба и хармонија во домовите, и да има повеќе емпатија меѓу луѓето.

Нека ви биде убава и незаборавна најлудата ноќ и нека ви бидат весели новогодишните празници.

Од мое име и од името на ОО на СДСМ Струмица, Ви посакувам СРЕЌНА НОВА 2024 година!

Борче Цветков,
претседател на ОО на СДСМ Струмица