Новогодишна честитка од градоначалникот на општина Босилово, Ристо Манчев

Почитувани граѓани,

Вие и јас знаеме дека општина Босилово може да биде многу подобро место за живеење. Затоа, заеднички секојдневно се трудиме да ставиме макар едно камче во мозаикот наречен модерна и современа општина Босилово.

Вашата и мојата визија за општина Босилово е една и единствена, заедничка, да ја направиме општина Босилово поубаво место за живеење за сите граѓани.

Годината којашто измина, заеднички успеавме да реализираме голем број на проекти. Со иста желба, со исти пристап, со исти елан за работа, со иста мотивација за работа ќе продолжиме и во наредната 2024 година.

Во Новата 2024 година Ви посакувам многу здравје, среќа, успех на личен и професионален план.

Нека Господ ја благослови општина Босилово, нека Господ го благослови секој дом во општина Босилово, нека дари мир, хармонија, спокојство и разбирање во секој дом.

Нека ни е среќна и благословена Новата 2024 година!

Ристо Манчев,
градоначалник на општина Босилово