На 18 јуни ќе се прска против комарци во струмичкиот регион

Во рамки на активностите за заштита од комарци и спроведување на Програмата за дезинсекција, се известуваат граѓаните на општините од Југоисточниот плански регион дека на 18 и 19 јуни 2025 година ќе се изврши ларвицидна и теристична дезинсекција, согласно следниот распоред:

Во среда, 18 јуни 2025 година, на територијата на општините Струмица, Ново Село, Босилово и Василево, во претпладневните часови ќе се спроведе ларвицидна дезинсекција, а во вечерните часови, од 20:00 до 24:00 часот, ќе се изврши теристична дезинсекција (од земја) против комарци.

Во четврток, 19 јуни 2025 година, ларвицидна дезинсекција ќе продолжи во претпладневните часови, на територијата на општините општините Дојран, Валандово, Радовиш и Конче, додека теристичната дезинсекција (од земја) ќе се спроведе во вечерните часови од 20:00 до 24:00 часот, информираат од Центарот за развој на Југоисточниот плански регион.

Дезинсекцијата ќе се реализира со хемиски средства одобрени од надлежните институции, во согласност со сите пропишани здравствени, безбедносни и еколошки стандарди. Во случај на неповолни временски услови, активностите ќе бидат одложени и реализирани во прв следен поволен термин.

Апел до пчеларите: Се замолуваат сопствениците на пчелни семејства да преземат соодветни мерки за заштита, односно да ги затворат пчелните кошници во наведените термини на прскање.

Оваа активност се спроведува со цел унапредување на јавното здравје и заштита на населението од појава и ширење на преносливи заболувања.