Малите шахисти на „Цареви кули“ со сребро на „Екипното Првенство на Македонија за млади 2022”

Шаховски Клуб „Цареви кули“ од Струмица учествуваше на „Екипното Првенство на Македонија за млади 2022” и го освои престижното второ место, во групата на деца до 8-годишна возраст.

Овој струмички клуб за прв пат учествува на ваков натпреварувачки настан, а најмладите играчи покажаа вистински талент, единство и борбеност, победувајќи ги екипите на повеќе реномирани школи во државава и беа блиску до освојувањето на првото место, без ниту една изгубена игра.

„Клубот вистински се гордее со овој успех и затоа се заблагодарува на сите деца кои беа и се дел од школата, нивните родители и најблиски, но и учителите и колегите кои пожртвувано придонесоа кон овој заедички успех. Сакаме да изразиме благодарност на Општина Струмица и нашите спонзори кои вистински помогнаа да отпатуваме до Скопје и да бидеме дел од ова натпреварување“ – велат од Шаховски Клуб „Цареви кули“.