Малиот градски парк во Струмица доби име: „Петте струмички студенти“

Советот на општина Струмица на денешната седница едногласно донесе одлука, малиот градски парк што се наоѓа веднаш до зградата на Општина Струмица да си има име – „Петте струмички студенти“ во чест и почит кон Борис Белев, Мирко Пецев, Ѓорѓи Костуранов, Стево Топчев и Ѓорѓи Јармов, студенти во Загреб, Белград, Скопје, на возраст од 18 до 23 години, свирепо убиени во 1951 година од комунистичкиот режим.

Студентите од Струмица, сите од угледни семејства се пресретнати од 14 службеници на УДБА и убиени, во близина на селото Дорломбос, кај Ќучук чешма. Тогаш службата ја соопшти верзијата дека загинале при обид илегално да ја преминат границата и да пребегаат во Грција, а од таму имале намера за заминат на Запад.