Максим Димитриевски повика енергијата од Куманово да се пренесе насекаде во државата – Македонија повторно се буди

Синоќа на предизборниот митинг на градскиот плоштад во Куманово кандидатот за претседател на Македонија од Движењето ЗНАМ, Максим Димитриевски и носителите на листите за пратеници од сите шест Изборни единици ја презентираа програмата „Проглас за достоинствена Македонија”.

Кандидатот за претседател Максим Димитриевски повика енергијата од Куманово да се пренесе насекаде во државата и дека Македонија повторно се буди.

Димитриевски кажа дека ќе има правда, тогаш кога на вистинското место ќе дојдат вистински, одговорни луѓе, бидејќи овие не само што лажеа, па дури и од сопствениот народ се откажаа, од вредностите на Крушевскиот манифест и АСНОМ и од сѐ што е свето за Македониа и ако им дозволиме тоа ќе продолжат да го прават.

Носителот на листата за пратеници од Изборна единица 4, Миле Цеков од Струмица порача дека патриотизмот во 21-от век се заснова на борба Македонија да биде економски успешна држава. Затоа Движењето ЗНАМ – За Наша Макеодонија го усвои прогласот за достоинствена Македонија.

Една од мерките од прогласот за достоинствена Македонија којашто ја најави носителот Миле Цеков е мерка за загарантирана откупна цена  за земјоделски производи и субвенции по количина, а не по засадена површина. Цеков нагласи и дека квалитетното земјоделско земјиште ќе се користи исклучиво за производство на храна и ќе се забрани негова пренамена.