Маестрална изведба на „Зајди, зајди“ на Иван Кукиќ на концертот на Влатко Стефановски трио во Белград

На социјалните мрежи се појави видео со изведба на познатата македонска песна „Зајди, зајди јасно сонце“ во изведба на младиот струмичанец Иван Кукиќ на концертот на Влатко Стефановски Трио во МТС салата во Белград, Србија.

Меѓу многуте македонски песни и интрументалки, Иван кој е дел од триото на Влатко Стефановски, а на кои им се приклучил и познатиот македонски музичар Дамир Имери, ја отпеа „Зајди, зајди“ со која ги воодушевил белграѓани добивајќи долги аплаузи.

На концертот како специјален гостин се појавил и актерот Раде Шербеџија изведувајќи ја песната „Си заљубив едно моме“.

Во видеото слушнете ја изведбата на „Зајди, зајди јасно сонце“ од Иван Кукиќ.