Куп на македонска фотографија во Градската Уметничка галерија во Струмица

На 15 декември (петок) во 19:00 часот во просториите на Градска Уметничка галерија во Струмица ќе биде отворена изложбата „Куп на македонска фотографија“ во организација на Национална фото унија.

На изложбата свои фотографии доставија над 70 фотографи со околу 1000 фотографии, од кои еминентна жири комисија во состав: Александар Томовски (КМФ НФУ, Скопје), Мери Бошкоска (КМФ НФУ, Прилеп) и Марина Атанасовиќ (КМФ НФУ, Куманово) ги одбраа најдобрите од нив.

На отворањето ќе бидат доделени златен, сребрен, бронзен медал и шест дипломи за поединечни фотографии во сите категории.

Национална фото унија ги повикува сите заинтересирани да го посетат отворањето на изложбата.

Петок, 15 декември | 19:00 часот | Градска Уметничка галерија – Струмица