![almak](https://strumicanet.com/wp-content/uploads/2025/07/1080x206-srnet-optimized.png")
Еден од најдобрите македонски тренери во одбојката, креатор на голем број професионални одбојкари и тренер на ОК „Струмица 47&72“, Кире Ричлиев си поднел оставка. Објави „Дрнка.мк“ за кој Ричлиев ја потврдил информацијата.
„Да точно е. Пред речиси половина месец поднесов оставка. Секој почеток има и крај. Им посакувам многу успех и среќа на момците“ – изјавил Ричлиев.
Речиси цела тренерска кариера Кире Ричлиев беше во струмичката одбојка со неколку ангажмани во странство. Под неговата палка Струмица ги има освоено сите одбојкарски титули во самостојна Македонија.
Неговиот помошник Ване Ристоманов сега ќе го предводи тимот на ОК „Струмица 47&72“. Тој ќе има за задача до крајот на сезоната да ја продолжи доминацијата на струмичани на македонската одбојкарска сцена, иако по првиот дел од првенството тие им го отстапија првото место на ОК „УГД Штип“ пред плеј-оф пресметката.
Извор: www.drnka.mk
