Костадинов реагира на соопштението на АХВ за водата – тврди дека водата е исправна

„Одговорно тврдам, а потврда за тоа ќе бидат резултатите кои утре повторно ќе бидат објавени, дека водата во Струмица е исправна и хемиско-физичкиот состав и микробиолошки“, објави вечерва на својот Фејсбук профил градоначалникот на Струмица, Костадин Костадинов, откако денеска Агенцијата за храна и ветеринарство (АХВ) соопшти дека водата за пиење не е исправна поради присуство на колиформни бактерии, а присуството на манган е во границите на дозволеното.

• АХВ: Забраната за пиење на водата од струмичкиот водоснабдителен систем останува на сила

„Решивте на грбот на народот да правите политика, скапо ќе плати некој за оваа фашистичка операција врз Струмица и струмичани. Наскоро вистината и за водата, но и за сите притисоци, врз инспектори, врз вработени во Институтот за јавно здравје (ИЈЗ), само да не се кажуваат јавно резултатите оти истите не се во прилог на политиката на Цветан Трипуновски“ – напиша градоначалникот Костадинов.