![almak](https://strumicanet.com/wp-content/uploads/2025/07/1080x206-srnet-optimized.png")
Државната изборна комисија обработи 3474 од вкупно 3508 избирачки места во цела држава и 99,85% од единствениот избирачки список. Во првиот круг на Претседателските избори води кандидатката на ВМРО-ДПМНЕ, Гордана Силјановска Давкова со 362.682 освоени гласови, односно 40,08%, зад неа е кандидатот на СДСМ, Стево Пендаровски со освоени 180.306 гласови или 19,93%. Тие двајцата ја продолжуваат битката во вториот круг кој ќе се одржи на 8 мај.
Како трет, од вкупно седум кандидати кои се кандидираа за претседател на Македонија во првиот изборен круг, е Бујар Османи од ДУИ со освоени 120.903 гласови, односно 13,36%. Четврти според 99% од обработените податоци е Арбен Таравари од Коалицијата „Вреди“ со 83.356, или 9,21%. Петти е Максим Димитриевски од ЗНАМ со освоени 83.787 гласови или 9,26% од вкупниот број на гласови, а по него се Билјана Ванковска од Левица со 41.172 гласови, односно 4,55% и Стевчо Јакимовски од ГРОМ со 8.103 гласови или 0,90%.
