„Комуналец“ ја исчисти дивата депонија на улицата „Антон Панов“, апелираат таму да не се фрла отпад

Екипи на ЈПКД „Комуналец“ денеска повторно ја чистеа дивата депонија создадена од несовесни граѓани на улицата „Антон Панов“ во Струмица. Екипите, рачно и со механизација го исчистија и уредија овој простор, кој претставуваше грда слика на градот Струмица.
Од струмичкото јавно претпријатие апелираат да не го фрлат својот шут и отпад, туку да се јават во „Комуналец“ на 13-110 и истиот тие ќе го подигнат, со што би се спречило повторно обновување на вакви диви депонии на територијата на општина Струмица.