„Комуналец“ продолжува со расчистување на улиците погодени од невремето

Екипи на ЈПКД „Комуналец“ продолжуваат со расчистувањето на улиците по невремето што во средата попладне ја зафати Струмица и струмичко. Се собира отпад од погодените улици кои се перат со цистерна, а се чистат и санираат сите оштетени сливници за атмосферска канализација во поплавените делови од градот.

Екипа работи и на чистење на наносите на влезот во горниот дел од новоизградениот покриен канал „Крушевска Република“, кој беше целосно запушен, а со механизација се врши и чистење на дивата депонија на улица „Антон Панов“.

Од „Комуналец“ информираат и дека од денеска нивна екипа започна со чистење и уредување на Градските гробишта во Струмица.

Во недела „комуналеци“ ќе продожат и со генералната акција за собирање на кабаст отпад пријавен на телефонскиот број: 13 110 од домаќинствата во долниот дел на градот Струмица.

„Со овие акции и со сé помасовната поддршка од сите совесни граѓани продолжуваме да работиме за сите ние да добиеме почисти улици, поубаво животно опкружување“, стои на крајот од соопштението на ЈПКД „Комуналец“.