Кандидати за пратеници и дел од раководството на ВМРО-ДПМНЕ во посета на Викарниот Епископ Стобиски г. Јаков

Денеска, на почетокот на кампањата за Претседателски избори ВМРО-ДПМНЕ како чин на изразување на добрата намера и почитување на вредностите на нашиот народ со своја делегација составена од  Антонио Милошоски, Ели Панова, Жан Дрвошанов, д-р Јадранка Поцкова, д-р Никола Маџунков, д-р Петар Марков  и советникот  Владимир Ристов го посетија Викарниот Епископ Стобиски, Господин Јаков во Манастирот во Водоча, информираат од ОК на ВМРО-ДПМНЕ Струмица. На средбата е побаран благослов за добар тек на претстојните работни денови и активности во пресрет на Велигден и Изборите во два круга закажани во месец мај.

Во Благословот на Владиката беше кажано:

„Благословот Божји и љубовта Негова се упатени до секој човек, но до некои луѓе, групи и организации едноставно не можат да допрат заради тоа што самите тие својата слободна волја ја ставиле во служба или уште пострашно ја продале за богатства трулежни на непријателот Божји, на кнезот на овој свет и неговите помошници“…( делумен цитат).

ВМРО-ДПМНЕ му благодари на Неговото Високопреосвештенство Господин Јаков за приемот и презема обврска за чесно и одговорно однесување не само во текот на кампањата, туку и во односот кон државата, нашите исконски вредности во чиј центар се Црквата и доброто на поединецот, стои во соопштението од ОК на ВМРО-ДПМНЕ Струмица.