Исчезнатиот Марко на 6 декември влегол во Бугарија каде живее неговата мајка, роднини објавуваат дека е во Швајцарија

Од СВР Струмица денеска со соопштение во врска со објавите на социјалните мрежи за Марко Давчев, кој е пријавен за исчезнат веќе цела недела.

„Во врска со објавите на социјалните медиуми за лице М.Д.(29) од Струмица, кое се оддалечило од домот во Струмица, пријавено во Полициската станица Струмица на 09.12.2023 година од страна на неговиот татко Т.Д.(64), ве известуваме дека од страна на СВР Струмица веднаш се преземени мерки и активности за негово пронаоѓање. Меѓу другото, извршени се  проверки на граничните премини кон Бугарија, земја во која лицето редовно одело во посета на неговата мајка, при што е утврдено дека М.Д. остварил излез од државата на 06.12.2023 година во 18:20 часот на Граничен премин Ново Село. Се преземаат и дополнителни мерки за расчистување на случајот“ – соопштуваат од СВР Струмица.

На социјалните мрежи негови пријатели и роднини објавуваат дека е во Швајцарија кај роднина, здрав и жив.

• Се трага по 29-годишен маж, кој исчезнал на 9 декември