Избувна пожар во стан во Струмица

Од струмичката противпожарна единица информираат дека денеска во 11:25 часот интервенирале во зграда на улицата „Мито Хаџивасилев Јасмин“ во Струмица, каде во еден стан избувнал пожар.

Пожарот бил во разгорена фаза, започнат од кујната и веќе ги зафаќаше сите простории во станот при што чадот се ширеше низ целиот влез кон погорните катови.

Благодарение на брзата интервенција пожарот е навремено изгаснат и е спречено настанување на поголема материјална штета и загуба на човечки животи.

ФОТО: ТППЕ Струмица