ЗНАМ од Струмица со теренско анкетирање на граѓаните за создавање на програмата за „Локалните избори 2025“

Членови и активисти на Општинската организација на Движењето ЗНАМ – За наша Македонија од Струмица од денеска, па се до 20-ти август, на различни локации во градот и населените места на територијата на општина Струмица, ќе прават теренско анкетирање на граѓаните со кое ќе сакаат да го видат нивното размислување, идеи, проблеми, нивните потреби за подобра општина Струмица, а ќе бидат дел од предизборната програма на ЗНАМ на претстојните Локални избори во месец октомври.

„Ние не веруваме во програми пишувани зад затворени врати, за да им служат на неколкумина. Ние веруваме во гласот на народот. Затоа оваа програма ќе ја пишуваат граѓаните – според нивните маки, нивните потреби, нивните соништа за подобра Струмица“ – кажа претседателот на ОО на ЗНАМ во Струмица и пратеник во македонското Собрание, Миле Цеков.

Тој ги повика сите струмичани во наредниот период да ги посетат на пунктовите, да пополнат анкетен лист или едноставно на активистите да им кажат – што најмногу ги мачи, што сакаат да се промени, и какви луѓе заслужуваат да ги претставуваат во Советот на општина Струмица.

„А за сите чесни, разочарани, а уште мотивирани граѓани – нашата врата е отворена. Ако имаш знаење, вредност и срце за Струмица – приклучи се! Време е за промени, време е струмичани да го земат градот назад во свои раце“ – кажа Цеков.