Завршна конференција од проектот „Заедно кон родово одговорни заедници“

Денеска во хотелот „Вила Парк“ во Струмица се одржа завршната конференција од проектот „Заедно кон родово одговорни заедници“, на која беа презентирани наодите и препораките од Анализата на родовата компонента на програмите за еднакви можности и за локален економски развој на општините Ново Село, Радовиш и Струмица за 2022 година.

Присутните беа поздравени од проектните тимови и раководството на Организација на жени од Струмица и на Реактор – Истражување во акција. Свое обраќање имаше и Ирена Иванова од Делегацијата на Европската Унија во Скопје.

На конференцијата учествуваа претставници на локалните самоправи и на граѓански организации од трите општини.

Проектот „Заедно кон родово одговорни“, имплементиран од Организација на жени од Струмица е поддржан од Реактор – Истражување во Акција и нивните партнери преку Акцијата „Унапредување на родовата еднаквост во процесот на пристапување во ЕУ“. Ова акција е финансирана од Европската Унија и кофинансирана од Шведска.