Екипи на „Комуналец“ со специјализирани возила го исчистија снегот од улиците

Од ЈПКД „Комуналец“ Струмица информираат дека со првите врнежи од снег екипи на „зимската служба“ се на терен со четири возила и вршат континуирано отстранување на снежните наноси низ улиците на територијата на општина Струмица. Освен отстранување на снегот се посипува и сол со што се спречува таложење на снег низ улиците на Струмица. Булеварите и улиците во градот, излезите од градот се проодни.

Како што информираат од комуналното претпријатие, и патиштата кон населените места Вељуса, Попчево, кон брана Водоча и Цареви кули се исчистени и се проодни, но апелираат за внимателно возење.

„Зимската служба продолжува со отстранувањето на снегот таму каде што е потребно се до негово целосно отстранување од улиците. Напоменуваме дека граѓаните треба да внимаваат во сообраќајот како и при движење по тротоарите“, стои во соопштението од ЈПКД „Комуналец“ Струмица.