![almak](https://strumicanet.com/wp-content/uploads/2025/07/1080x206-srnet-optimized.png")
Домаќинот на Европската куќа во Струмица, Томи Печков денеска на 2-годишнината од отворањето на „куќата“ на Делегацијата на ЕУ во Македонија се пофали дека од отворањето до денеска реализирани се повеќе од 330 настани на кои присуствувале над 15.000 млади луѓе од регионот, а сите настани се реализирани во соработка со околу 100 организации и институции од 15 општини.
„Големиот број на млади луѓе не само што присуствуваа на настаните на „Europe House“ во Струмица, туку и тие самите иницираа, модерираа и организираа настани согласно своите потреби. Ми претставува огромно задоволство што младите во „Europe House“ препознаа вистински и искрен партнер и поддржувач“ – кажа Печков на свеченоста по повод втората годишнина од отворањето на Европската куќа во Струмица, на која покрај големиот број на млади луѓе, соработници, присуствуваа и вршителот на должноста амбасадор на Делецијата на Европската унија во Македонија, Штефен Худолин, градоначалниците на општините Струмица, Василево, Босилово и Ново Село, Костадин Костадинов, Славе Андонов, Ристо Манчев и Ѓорѓе Божинов.
За амбасадорот Штефен Худолин ова импресивна статистика на настани и посети на млади луѓе од регионот е посебно задоволство, бидејќи овие настани се места каде младите се зближуваат се со цел да научат многу нешта за иднината.
„Улогата на „Europe House“ во Струмица, но и во другите места е да ги охрабри младите да учествуваат во процесот на одлучување и креирање на самите политики. Токму поради таа причина проектот „Градоначалник на еден ден“ се покажа како многу добар пример како младите можат да бидат вклучени во креирање на локалните политики и бидат вклучени во локалните стратегии и локалните документи“ – кажа Худолин, кој заедно со млади луѓе од Европската куќа во Струмица на свеченоста во Градската Уметничка галерија ја пресекоа „роденденската“ торта.
Претходно амбасадорот Штефен Худолин имаше средба во зградата на Општина Струмица со градоначалникот Костадин Костадинов и во Европската куќа со млади активисти.
