Дополнителниот заменик министер за информатичко општество и администрација, Стефан Андоновски е во Струмица

Дополнителниот заменик министер за информатичко општество и администрација, Стефан Андоновски денеска беше во Струмица, како што кажа имал средби со приватни компании од ИТ секторот и локалната администрација.

„Од она што можев да го забележам од досегашните средби, тоа e едно широко распространето ниво на корупција, корупција особено во јавните набавки, начинот на којшто се распоредуваат и трошат народните пари во рамки на Општина Струмица, начинот на којшто сe набавуваат потребни материјали за општина Струмица, но и пошироко. Централната власт покажа дека е длабоко закоравена во корупцијата. И не сакам да бидам само негативен, затоа предлагаме „Нула корупција” во јавните набавки преку систем на интеграција и дигитализација на сите регистри, како што се Катастар, Агенција за вработување, Регистарот на население. Системот на јавни набавки ќе ги интегрира сите овие бази на податоци, при што, при една јавна набавка точно ќе се знае кој ја изработил тендерската документација, дали тој што аплицира на тендерот е близок или поврзан некако со оној што ја изработил тендерската документација и дали постои некој судир на интереси. На овој начин постоечкиот систем ќе превенира корупцијата, но во исто време ќе можеме да се бориме и со закоравената корупција, што значи ќе имаме проверка на потекло на имот на сите државни функционери, бизнис секторот, но и вклучително и граѓаните и дел од судството и администрацијата. Затоа што точно ќе се знае дали некој човек има имот, како стигнал до тој имот, колкави му се примањата и дали на легитимен начин се обогатил“ – кажа во изјавата Андоновски.

На прес конференцијата во присуство на кандидати за пратеници од Струмица и струмичкиот регион и раководството на Општинскиот комитет на ВМРО-ДПМНЕ, Андоновски кажа дел од заложбите на Министерството, а е во програмата на ВМРО-ДПМНЕ за претстојните Парламентарни избори.