„ДИВИНО ФРЕИГХТ ОНЕ“ победници на турнирот „БОСИЛОВО 2024“

Екипата „ДИВИНО ФРЕИГХТ ОНЕ“ е победник на годинашното издание од Ноќниот турнир во мал фудбал „Босилово 2024“. Момците од екипата ја освоија паричната награда од 70.000 денари, победувајќи ја екипата ФК „ДРВОШ“ со 4:2 во финалниот натпревар кој се одржа синоќа.

Во борбата за третото место, екипата „ВИСТОНИ ЖП“ од Босилово со 10:3 ја победи екипата „МАРТИН-С ТРАВЕЛ ГОСТИЛНИЦА ДАНИЕЛ“.

На турнирот беа доделени и поединечни награди. За најдобар играч е прогласен Аце Коцев од ФК „ДРВОШ“, а за најдобар голман Димитар Ѓоргиев од „ДИВИНО ФРЕИГХТ ОНЕ“.