Девојките на танцовиот клуб „One Way Dance Studio“ од Струмица со две трети награди на „Sun Dance Festival“ во Бугарија

Девојките на танцовиот клуб „One Way Dance Studio“ од Струмица беа дел од вториот меѓународен натпревар „Sun Dance Festival“, кој од 31 март до 2 април се одржа во Сандански, Бугарија. Од таму се враќаат со три награди: Street Dance Junior Group – 3. место од 13 групи во конкуренција и Street Dance Junior Formation – 3. место од 6 формации во конкуренција, како и Специјална награда од @movinlab2023 за танц семинари во Софија, Бугарија.

На годинашното издание „Sun Dance Festival“ во Сандански се претставија 1500 учесници од Бугарија, Грција и Македонија, кои во изминатите три дена на две сцени изведоа 460 танци во осум стилови на танцови, а беа оценувани од најпопуларните имиња на бугарската танцова сцена.