Девојките на „Наковски Волеј“ се победници на Меморијалниот турнир „Илија Караманов 2023“

Денеска во Спортската сала на СОУ „Димитар Влахов“ во Струмица по 4-ти пат се одржа Меморијалниот турнир во одбојка во женска конкуренција „Илија Караманов 2023“.

Победник на овој турнир е екипата на ОК „Наковски Волеј“ која се натпреваруваше со екипите на ОК „Работнички Скопје“ и ОК „Младост УГД“ Штип.

„Нашата екипа се покажаа во најдоброто можно светло и со две победи го освоија првото место на овој 4-ти Меморијален турнир во женска одбојка. Девојките пред самиот старт покажа зрелост, борбеност и ентузијазам за нови победи и подобар пласман во новата одбојкарска сезона“, велат од победничката екипа на „Наковски Волеј“, организтори на овој турнир.

Овој спортски настан е посветен на струмичкиот спортски работник Илија Караманов и е симбол на спортска култура и натпреварувачки дух.