Територијалната противпожарна единица – Струмица мобилизирала 25 пожарникари-спасители и сите расположливи технички средства за справување со последиците од силното невреме кое попладнево ги погоди градот и околината.
Во 20 часот ТППЕ – Струмица информираше дека до нив се стигнати над 60 пријави за последици од невремето за кои се бара нивна реакција.
„Сите екипи се на терен и работат на испумпување на водата од поплавените простории. Кај секој граѓанин кој што има пријавено поплавени простории ќе биде реагирано и никој нема да биде оставен без помош. Молиме за разбирање бидејќи се работи за големи количества на вода и е потребно време за истата да биде испумпана“, информираат од ТППЕ – Струмица.
