Горниот дел на градот Струмица и селото Дабиле денеска без вода – апел од „Комуналец“ водата да се користи исклучиво за пиење и основни хигиенски потреби

Поради високите температури ЈПКД „Комуналец“ Струмица апелира до сите граѓани на општина Струмица за рационално користење на водата за пиење.

„Поради несоодветното трошење на водата, посебно во овој летен период пумпите кои го снабдуват горниот дел на градот остануват без вода и доаѓа до нивно оштетување со што сме приморани секојдневно да ги сервисираме и да чекаме водата да дојде до одредено ниво за да можат да функционират. Сето тоа по автоматизам придонесува за прекинување на водоснабдувањето во горниот дел на градот. За да се спречи ваквата ситуација потребно е водата да се користи исклучиво само за пиење и основни хигиенски потреби. Секое друго неконтролирано трошење на водата (полевање на дворови, бавчи, перење на улици и слично) е строго забрането и ќе биде санкционирано од страна на инспекциските служби“ – стои во соопштението на „Комуналец“.

Од таму и најавата дека во текот на денешниот ден (четврток, 11 јули) горниот дел од градот Струмица и населеното место Дабиле повторно ќе останат без вода од 10:00 до 17:00 часот.