Гореше автомобил во Муртино

Од Противпожарната единица на Струмица информираат дека синоќа по 22:00 часот е пријавено за настанат пожар во селото Муртино, струмичко. Било запалено патничко моторно возило и помошен објект од семејна куќа. Веднаш било интервенирано со едно противпожарно возило и пет пожарникари – спасители. Пожарот бил во разгорена фаза и брзо после пристигнувањето е ликвидиран и е спречено негово ширење кон останатите делови на објектот. Причините за настанувањето на пожарот дополнително ќе се утврдуваат.

ФОТО: ТППЕ Струмица