Вчера санкционирани 8 лица во струмичко поради непочитување на забраната за движење во шуми

Од СВР Струмица пристигна информацијата дека во текот на вчерашниот ден 8 лица биле санкционирани кои се движеле без дозвола низ шумиски предели, каде е во сила забраната за движење.

„На 12.07.2025 година од страна на полициски службеници од СВР Струмица во шумски предели на подрачје на Струмица биле преземени мерки и активности со цел утврдување дали од страна на граѓаните се почитува донесената одлука за целосна забрана за движење во шуми, која стапи на сила на 01.07.2025 година, а ќе трае до 31.08.2025 година.

При контролата биле откриени осум лица кои се движеле во шумски предели, а притоа не поседувале одобрение за движење во шуми, издадено од ЈП „Национални шуми“.

За преземените мерки од страна на СВР Струмица е известена Шумската полиција Струмица, која е надлежна за понатамошно поведување на постапка против лицата, согласно член 57 став 3 од Законот за шуми“ – соопштија од струмичката полиција.